Tomás do Rosário Cabral
Tomás do Rosário CabralVise-Ministru Administrasaun Estatal

Nota Biográfiku

Senhor Tomás do Rosário Cabral, moris iha Posto Administrativo Lacló, Município Manatuto, remata  ensino liseu nian iha Kolégio Saun José, iha Díli, frekenta Kursu Gestaun Administrasaun Eleitoral hosi Fakuldade  Direito Univeresidade Nasional  Timor Loro Sa’e.

Durante período administrasaun tranzitória Nasoens Unidas nian, dezempenha profisionalmente  funsoens hanesan Koordenador Kampo Agênsia  Dezenvolvimento Timor-Leste no, hahu tinan 2000, nia exerse funsoens iha âmbito hosi aktividades Komisaun Eleitoral Independente, estabelese hosi Konselho Seguransa  Nasoens Unidas. Entre 2002 to’o 2012 dirige Sekretariado Tékniko  Administrasaun Eleitoral, sai responsável organizasaun ba  aktos eleitorais nebe  realiza durante período ne’e ba lideransa  komunitária sira, ba Parlamento Nacional no ba Prezidente  Repúblika.

Iha 2012 nomeado Sekretário  Estado Desentralizasaun  Administrativa, V Governo Konstitusional nian, sai responsável ba prosesu  desentralizasun  administrativa no instalasaun  órgaun  Poder Lokal iha Timor-Leste. Ho  formasaun  VI Governo Konstitusional, iha Fevereiro  2015, nomeado  hanesan Vice-Ministro  Administrasaun  Estatal, oras ne’e responsável, hosi delegasaun  Sua Excelência Senhor Ministro Administrasaun Estatal, ba prosesu  desentralizasaun  administrativa no ba exercício poder hirak superintendênsia  kona ba  Sekretariado Tékniko Administrasaun Eleitoral. Oras ne’e prezide, mos, Komisaun Revizaun Téknika hosi Projekto Programa Nasional  Dezenvolvimento  Suko sira nian (PNDS), órgaun responsável ba  avaliasaun  projekto hirak dezenvolvimento komunitário  nebe hyetan subsídio  hosi Estado.

Iha plano internasional, Senhor Tomás do Rosário Cabral integra ona iha Misaun oi-oin Observasaun Eleitoral oi-oin, hanesan ba Moçambique, Nepal, Austrália, São Tomé Princípe, Portugal, Tailândia, Cambodja no Cabo Verde. Ba mos, hanesan reprezentante hosi Sekretariado Tékniko Administrasaun Eleitoral Timor-Leste, membro fundador Fórum hosi Órgaun sira Administrasaun Eleitoral País sira Lian Português no dezempenha ona funsoens hanesan  Chefe  Misoens  Apoio ba  Prosesu  Eleitoral Guiné-Bissau (I/II), hodi apoia órgaun sira país ne’e nian iha organizasaun ba prosesu eleitoral Presidente Repúblika no ba  Asembleia Nasional Popular. Iha 2015, hosi nomeasaun Sua Excelência Senhor Primeiro-Ministro, chefia Grupo  Trabalho ida responsável ba avaliasaun  nesesidade sira hosi  Repúblika Demokrátika Timor-Leste no hosi  República Centro-Africana iha matéria  resenseamento eleitoral no organizasaun  prosesu eleitoral sira, hodi hare ba estabelecimento  relasoens  kooperasaun iha  domínio eleitoral.

Senhor Tomás do Rosário Cabral hetan  agraciado ho Ordens  Mérito, Nicolau Lobato no Timor-Leste, hosi Sua Excelência  Senhor Presidente  Repúblika,  reconhecimento ba relevantes servisus prestados ba  Estado Timorense no  agrasiado ho Ordem Mérito, Kooperasaun no Dezenvolvimento, hosi  Sua Excelência Senhor Presidente  Repúblika Tranzisaun  Guiné-Bissau, no ho  Diploma Mérito no  Rekonhesimento hosi Representante Especial  Secretário-Geral  Nasoens Unidas  ba Guiné-Bissau, tan ba kontributo nebe nia fo ba prosesu fila fali  ba normalidade konstitusional país nebá nian.

Kompeténsia nebee delega hosi Ministru

    1. Pratika aktos nebe presiza atu  asegura koordenasaun no fiskalizasaun ba aktividades hosi  Administrasoens  Munisipais;
    2. Pratika aktos nebe presiza ba promosaun no kondusaun  prosesu  desentralizasaun administrativa no ba implementasaun  munisípio sira no   órgaun sira seluk  hosi poder lokal;
    3. Pratika aktos nebe presiza atu  asegura  ezekusaun  polítikas hosi dezenvolvimento lokal no rural no atu asegura hamenus dezigualdades ekonómikas no sosiais entre  regiaun sira;
    4. Pratika aktos nebe presiza atu asegura koordenasaun no distribuisaun hosi informasoens internas no externas ba estruturas administrasaun  lokal
    5. Reprezenta Ministério Administrasaun Estatal iha kestaun hirak kona ba desentralizasaun administrativa no ba prosesu eleitoral;
    6. Pratika aktos nebe presiza ba kriasaun  mekanismos adekuados ba  garantia ba prátika hirak nebe di’ak no ba transparênsia  servisus ihr responsabilidade direkta;
    7. Propoen, define, akompanha no avalia  propostas hosi plano, hosi programas no hosi orasamento anual ba servisu sira nebe iha responsabilidade direkta;
    8. Aprezenta relatórios periódikos hosi aktividades servisu sira nia nebe iha responsabilidade direkta ba Ministro Administrasaun  Estatal;
    9. Aprezenta ba Ministro Administrasaun Estatal inisiativas legislativas no propostas regulamentasaun nian nebe presiza ba ezekusaun  polítika desentralizasaun administrativa, hosi instalasaun  órgaun sira no  servisus  Poder Lokal nian, hanesan mos ba realizasaun  aktos eleitorais ou seluk nebe bele  afigura relevante ba aktividade hosi servisus nebe  iha responsabilidade direkta;
    10. Propoen ba Ministro Administrasaun Estatal  adopsaun polítikas públikas iha administrasaun Estado nebe bele kontribui ba melhoria prestasaun servisus  ba sidadaun sira;
    11. Formula propostas desburokratizasaun no simplifikasaun prosedimentos administrativos, tendentes ba transparênsia nebe aas no efisiênsia ba servisus Estado;
    12. Akompanha no konduz polítika formasaun no valorizasaun funsionário  públiko sira;
    13. Gere reursos humanos no promove realizasaun hosi programas formasaun no espesializasaun funcionário sira nian hosi servisus nebe iha nia responsabilidade;
    14. Halo despacho ba korespondênsia no expediente geral hosi servisus iha nia responsabilidade direkta;
    15. Asina ofísios expediente baibain nebe destina ba órgaun sira, organismo sira no servisus hosi Ministério, ba entidades públikas nasionais, ba reprezentasoens diplomátikas, representantes no  dirigentes hosi agênsias internasionais;
    16. Autoriza realizasaun despezas, inklui ho asinatura ba formulários  kompromisu  pagamento nian, to’o montante  US$10,000.00 (dólar amerikano rhun sanulu) tuir akordo ho  orsamento geral  Estado nebee vigora.

(liu hosi Despaxu n.º 102/GM-MAE/VI/2015)

Kontaktu

Email: gabinete.vice-ministro@estatal.gov.tl

Telem.: (+670) 773 040 58