Samuel Mendonça
Samuel MendonçaSekretariu Estadu Administrasaun Estatal

Nota Biografiku

Governu Konstitusional VI estabelese Sekretáriu Estadu Administrasaun Estatal (SEAE) ne’ebe mak submete iha Ministeriu Administrasaun Estatal. Kargu ne’e Assume hosi Sr. Samuel Mendonça ne’ebé mak hetan tomada de posse iha loron 16 Fevereiro de 2015, Area servisu tuir kompetensia nebe delega husi Ministro da Administrasaun Estatal, mak hanesan servisu Organizasaun Urbana nebe fokus ba Higiene e Orden Publikas, Toponimia no Mobilidade Urbana.

Iha V Governu Konstitusional, ne’ebé simu tomada de posse iha loron 8 Agostu 2012, Sr. Samuel Mendonça assume kargu hanesan Sekretáriu Estadu Dezenvolvimentu Lokál (SEDL), iha Ministeriu Administrasaun Estatal, no fokus iha Programa Nasional Dezenvolvimento Suku (PNDS) no Programa Dezenvolvimentu Integradu Municipiu (PDID).

Sr. Samuel moris iha Maubisse, 24 Dezembru 1965.

Hasai Lisensiatura iha area Siénsia Polítika iha UNTIM (Universitas Timor-Timur) iha tinan 1996. Iha tempu okupasaun Indonezia, servisu hanesan Funsionariu Indonezia iha Municipiu Ainaro hahú iha tinan 1985 to’o 1999. Iha tempu ne’ebá assume kargu hanesan Sub Xefe Governu Lokál iha Ainaro iha tinan 1986 to’o 1987. Hafoin iha tinan 1987 to’o 1989 sai hanesan Xefe Departamentu Governu Lokál, no tinan 1989 to’o 1991 sai hanesan Xefe Departamentu Dezenvolvimentu Governu Lokál iha Ainaro.

Wainhira remata eskola ensino secundaria iha tinan 1984, Sr. Samuel hahú envolve an iha vida polítika, envolve iha membru klandestina iha Região Cruzeiro no Região IV hahú iha tinan 1985 to’o 1999. Iha momentu Timor-Leste halo preparasaun ba referendum iha tinan 1999, kaer responsabilidade hanesan Koordenadór ka porta vos ba Kampañia CNRT iha Posto Administrativu Maubisse, Municipiu Ainaro. Wainhira Timor-Leste hetan Independénsia, servisu hanesan membru Administrasaun Interna CNRT iha tinan 2000 to’o 2002.

Iha tinan 2000 liu husi eleisaun Assembleia Constituinte, Sr. Samuel Mendonça eleitu hanesan Membro Assembleia Constituinte hodi hakerek Lei Inan Timor Leste (Konstituisaun RDTL), hafoin transforma ba Parlamentu Nasional 1ª Legislatura, Sr. Samuel deside sai husi membrus Parlamentu Nasional hodi servisu deit ba Partidu Politika. Depoiz de ne’e sai hanesan Fundador ba Partidu Demokrátiku (PD), assume kargu hanesan Comissario Política PD iha tinan 2001 to’o 2006. Tinan 2006 to’o 2012, liu hosi Kongresu Nasional Daruak Partidu Demokrátiku, eleitu nudar 3a Vice Sekretáriu Geral Partidu Demokrátiku, nune’e mós ejerse kargu nudar Sekrétariu Geral Interino Partidu Demokrátiku durante periodu ne’e. Iha Kongresu Nasional Datoluk Partidu Demokrátiku, re-eleitu hanesan 1a Vice Sekretáriu Geral Partidu Demokrátiku, ba periodu tinan 2012 to’o 2017.

Kompeténsia nebee delega hosi Ministru

    1. Pratika aktos nebe presiza atu asegura  gestaun no funsionamento  sistema rekolha no  tratamento  rezíduos sólidos urbanos no  manutensaun higiene no  salubridade ba fatin  públiko sira;
    2. Pratika aktos nebe presiza atu promove kriasaun, manutensaun no konservasaun jardim no fatin  públiko sira;
    3. Pratika aktos nebe presiza atu  promove medidas konservasaun  higiene no  ordem públika urbana;
    4. Pratika aktos nebe presiza ba kriasaun registo ida aruamentos ba prinsipais aglomerados populasionais, hanesan mos halo atribuisaun número  polícia ba edifísios  urbanos konstruídos ona;
    5. Akompanha no orienta polítika sira kona ba toponímia;
    6. Formula inisiativas legislativas no propostas regulamentasaun nebe presiza ba kumprimento  atribuisoens hosi Direksaun-Geral ba Higiene, Ordem Públika no  Toponímia;
    7. Propor medidas de organização do espaço urbano;
    8. Pratika aktos nebe presiza atu  asegura  organizasaun ba informasaun  geográfika no urbanístika disponível;
    9. Reprezenta Ministério Administrasaun Estatal iha kestaun hirak kona ba  urbanismo no organizasaun urbana;
    10. Pratika aktos nebe presiza ba kriasaun  mekanismos adekuados ba garantia prátikas nebe di’ak no  transparênsia hosi prosedimentos  kompetênsia servisu iha responsabilidade direkta;
    11. Propoen, define, akompanha no avalia proposta hirak plano nian, hosi programa no orsamento anual servisu nebe nia iha  responsabilidade direkta;
    12. Aprezenta relatórios periódikos hosi aktividades servisu iha nia responsabilidade direkta ba Ministro  Administrasaun  Estatal;
    13. Halo despacho ba korespondência no expediente geral hosi servisus nebe nia iha responsabilidade direkta;
    14. Asina ofísios baibain expediente nebe destina ba órgaun sira, organismos no servisus hosi Ministério, ba entidades públikas nasionais, ba reprezentasoens diplomátikas, reprezentantes no dirigentes hosi agênsias internasionais;
    15. Pratika aktos nebe presiza ba gestaun rekursos humanos no  promosaun ba programas formasaun no espesializasaun funsionários servisu nebe nia iha  responsabilidade;
    16. Autoriza realizasaun  despeza, inklui ho  asina  formulários kompromisu pagamento, to’o montante US$ 5,000.00 (dólar amerikano rihun lima) no tuir  akordo ho orsamento geral  Estado nian nebe vigora;
    17. Deside kona ba asuntos relasionados ho logístika, ekipamentos no viaturas  servisu nian nebe nia iha responsabilidade direkta.

(liu hosi Despaxu n.º 102/GM-MAE/VI/2015)

Kontaktu

Email: gab.seae@estatal.gov.tl

Telem.: (+670) 773 124 21