Tetun Home > Kona-ba >Kona-ba Ministro da Administraçao Estatal e Ordenamento do Território

Kona-ba Ministro da Administraçao Estatal e Ordenamento do Território

Dr. Arcângelo de Jesus
Gouveia Leite

Dr. Arcângelo Leite nomeado ba Ministro da Administração Estatal e Ordenamento do Territorio iha loron 8 fulan Agostu tinan 2007. Dr. Leite hetan nomeasaun ida ne’e tanba nia iha esperensia barak no atividades durante tempu naruk hamutuk ho governasaun lokál. Foin daudauk, molok nia hetan nomeasaun hanesan Ministro, Dr. Leite serbisu iha Ministerio ida ne’e hanesan Diretor Nacional da Administração do Territorio husi 2006 to’o 2007.

Nia involve tiha ona iha atividades de estado, hanesan serbisu nudar observador iha diskusaun Assembleia Konstiutante iha tinan 2002, halo parte iha ekipa téknika kon demarkasaun fronteira hahú hhusi tinan 2003 to’o 2006, no mós envolve iha grupu tékniku ne’ebé hahú halo estudos kona-ba governo lokál iha Timor-Leste to’o ohin loron.

S.E. Minsitro nia edukasaun mós prepara nia hodi simu kargu hanesan Ministro. Depois nia remata nia estudus iha Eskola Sekundaria S. José Dili iha tinan 1986, nia kontinua iha Academia Administrasaun Publica husi Indonesia - Akademia Administrasi Pemerintahan Dalam Negeri (APDN) Kalimantan Tengah, remata iha 1990. Nia mós licensiado iha Ciencias Govenamentais iha Institut Ilmu Pemerintahan (IIP) Jakarta iha 1995.

Hodi hetan informasaun liu tan, ka hato’o pedidu atu entrevista S.E. Ministro, kontaktu ba Gabinete do Ministro.