Director-Geral
Sr. Carlito Martins

Sr. Carlito Martins, sai funsionariu iha Ministériu Administrasaun Estatal no Ordenamentu Territóriu (MAEOT) liu husi konkursu públiku iha prosesu rekrutamentu ba funsionariu públiku ba Tékniku Superior Nivel 7 (sete)/ Grau A iha fulan Marsu 2009. Rezultadu husi konkursu ne'e maka Sr. Martins hanesan konkorente klassifikadu iha fatin primeiru iha konkursu respectivu. Tan ne'e, Ministru Administrasaun Estatal no Ordenamentu Territóriu, Sr. Arcângelo Leite uza ninia kompetensias própias nebe prevista iha artigu 18 Dekretu Lei No 13/2006, de 9 de Agosto konjugadu ho dispostu artigu 24(a) Dekretu Lei No 27/2008, de 11 de Agosto desidi hodi hasai despaixu nomeasaun atu nomeia Sr. Martins, Tékniku Superior Grau A ba Director Geral Ministériu Administrasaun Estatal no Ordenamentu Territóriu ba periodu tinan 2 atu exerser iha komisaun servisu pertenente ba estrutura Diresaun Jeral Ministériu Administrasaun Estatal no Ordenamentu Territóriu.

Sr. Martins hahu servisu iha MAEOT iha inisiu fulan Setembru 2009 no hetan tomada de Posse hanesan Director Geral MAEOT nian iha loron 18 de Setembru tinan ne'eba duni. Iha ne'e, iha tempu besik kedas Sr. Martins hetan kedas nomeasaun atu reprezenta Governo Timor-Leste liu husi MAEOT ba partisipa iha seminar internasional nebe bolu the 4th Multi-country Study Mission on Public Governance husi 17-19 de Novembru 2009 iha Jeju, Korea do Sul. Hahu husi neba, Sr. Martins kontinua hetan fiar husi ninia Ministro atu ba partisipa iha Kongressu Internasional sira hanesan the 28th International Congress of International Institutes of Administrative Sciences - International Association of School and Institutes of Administration (IIAS-IASIA) husi 12-16 Jullu 2010 iha Nusa Dua Bali, Indonesia. Partisipa iha Global Forum on Local Development husi 4-6 Outobru 2010 iha Kampala, Uganda. Nune'e mos durante semana ida iha fim de 2011 partisipa iha International Training Program on Public Administrative Reforms for Good Governance husi 18-24 de Setembru iha Jakarta, Indonesia.

Hanesan Dirétor Jeral, Sr.Martins asumi responsabilidade boot no kompete ba hanesan entidade ida nebe mak responsável hodi garante diresaun jeral ida ba servisu hotu-hotu MAEOT nian, superviziona, tau matan ba servisus hirak ne'e, téknikamente iha implementasaun polìtikas sira nebe aprova husi ministério.

a). Asegura, administrasaun jeral interna ho servisus MAEOT nian; no propoin medidas adequadas tuir programa Governo nian no tuir orientasaun Ministro nian;

b). Monitoriza implementasaun projetos ho programas husi Kooperasaun Internacional no asegura sira nian avaliasaun interna mak la prejudika ninia mekanismu avaliasaun rasik;

c). Partisipa iha formulasaun politika orsamental no halo intervensaun iha areas MAEOT nian;

d). Promove dezenvolvimento planos anuais no plurianuais, prinsipalmente Programa Investimento nian, plano anual aktividades nian no planos sektoriais husi departamentu oi-oin MAEOT nian, no mos prepara kontribuisaun ministeriu nian ba programa Governo nian;

e). Asegura Jestaun rekursus umanus MAEOT nian;

f). Kumpri no kumprimenta ba lei funsaun públika nian no informa Gabinete ba Inspector-Geral ho Auditoria Interna MAEOT nian konaba evidência iregularidade saida deit;

g). Autoriza despezas MAEOT nia, tuir lei;

h). Superviziona no kontrola legalidade despezas nian;

i). Koordena preparasaun konaba servisus internus nian no asegura efikásia, koordenasaun no kooperasaun entre diresoens sira hotu-hotu ho servisus sira seluk;

j). Superviziona no koordena aktividade sira iha áreas komunikasaun ho media MAEOT nian.

Desde-ke servisu hamutuk ho otas sira iha MAEOT, Sr. Martins sempre involve ativu iha atividades ofisiais hirak nebe MAEOT sempre hetan fiar husi Primeiro Ministro (PM) atu forma Komissaun Organizadora ba komemorasaun Loron Nasionais sira hanesan Proklamasaun Independensia RDTL, 28 de Novembro, Restaurasaun Independensia RDTL, 20 de Maio, nune'e mos Loron Konsulta Popular, 30 de Agosto.

Tuir despaixu PM nia ba Komissaun Organizadora ba komemorasaun loron nasionais, maka Sr. Martins dahat ona hetan fiar husi ninia Ministro Dr. Arcângelo Leite hanesan Sekretariu Jeral iha selebrasaun eventus ofisiais hirak ne. Uluk liu maka hanesan Sekretariu Jeral iha komemorasaun 8 anos da Restauração da Independencia da RDTL, 20 de Maio de 2010.

Antes servisu hamutuk ho MAEOT, Sr. Martins iha experiensa servisu lubuk ida ho ajensia dezenvolvimentu internasional iha varias areas de servisu mak sai hanesan Operations Analyst iha UNDP Timor-Leste durante fulan 8 (Abril-Outobru 2004), hanesan Konsultor Nasional iha Unidade de Koordenasaun Dezenvolvimentu Kapasidade (CDCU) Gabinete Primeiro Ministro iha Primeiro Governo Constitucional durante tinan 3 (2005-2007).

Sr. Martins mos antes ne'e iha experiensa servisu ho instituisaun públiku hanesan sai Konsultor Nasional iha Departamentu Monitorizasaun no Avaliasaun iha Diresaun Nasional Polítika no Planeamentu, Ministériu Agrikultura no Peskas husi fulan Juñu 2008 - Maio 2009.

Sr. Martins remata ninia estudu iha Majestradu iha area Governo no Jestaun Emprezareal (Master in Government and Business Management) husi Victoria University of Technology (VUT) Melbourne, Australia iha Juñu 2004 depois de hetan ninia Engenharia iha Agrikultura (Sarjana Pertanian) husi Universitas Timor-Timur (UNTIM) iha 1998. Antes kontinua ninia estudu iha universitariu, Sr. Martins ho ninia otas lubuk ida remata sira ninia estudu iha Eskola Primaria no Pre-secundaria iha Maliana, no remata ninia estudu iha Secundaria (SMAN) No.2 Dili iha 1992.

Sr. Martins bele kontaktu liu husi telemovel +670 7326751 ou ho e-mail iha: xhelitu@gmail.com ou litumartins@yahoo.com