Benvindu
Ministério da Administração Estatal (MAE) maka órgaun do Governo ne'ebé iha responsabilidade kona-ba administrasaun nasionál no lokál, funsaun públiku, ordenamento do territóriu, suporta ba eleisaun, no mós publika no arkivu dokumentu públiku. Website MAE nian maka fó asesu ba públiku kona-ba informasaun sobre serbisu MAE nian, dokumentu públiku no notísias foun.
Buletin Mensál Governasaun Lokál, kona-ba:
- Primeiru Enkontru Komisaun Dezenvolvimentu Distritál
- Ministru Administrasaun Estatál hala'o Enkontru ho Membrus Governu sira seluk kona-ba PDID
- Ministériu Administrasaun Estatál Organiza Treinamentu ba Komisaun Aprovizionamentu Distritál
Tetun | English )
CONFERÊNCIA DA IMPRENSSA (Press Conference)
Comemoração do 11 aniversário da Restauração da Independência da RDTL 20 de Maio de 2013
Maluk doben Timor-oan hotu mak namkari iha territóriu tomak,
Iha tinan 2013, hanesan tinan-tinan Estado no Governo Timor-Leste ho povo amado Timor tomak sei komemora loron Restaurasaun Independênsia RDTL nian ba dala sanulu-resin ida, 20 de Maio de 2013.
Komemorasaun loron Restaurasaun Independênsia ba dala sanulu resin ida iha tinan ida ne'e sei hola fatin iha Resinto Palácio do Presidente da República, Aitarak-laran Díli, iha dia 20 de Maio 2013. Serimónia Içar da Bandeira Nacional hahu tuku 8 dader OTL to'o remata e Serimónia Arrear da Bandeira parte loraik, hahu tuku 4 loraik OTL to'o remata.
Justifikasaun Proposta Orsamento Geral Estado 2013 (MAE)
(Tetun)Relatoriu Exekusaun Orsamento Geral Estado 2012 (MAEOT/MAE)
(Tetun)
Ministru MAE Dr.Jorge Teme "Sai Sidadaun Di'ak Sai Heroi Foun Ba Nasaun Ida Ne'e"
Relasiona ho tema V Bloku Governu Koligasaun iha tinan 2013 ne'ebé publika katak "Sai Sidadaun Di'ak Sai Heroi Foun Ba Nasaun Ida Ne'e". Sai hanesan moto importante iha serimónia Natál Hamutuk ne'ebé partisipa husi Komisaun Funsaun Públika iha CCD (Centro Convenção Dili).
Funsionárius Téknikus 30 tuir Formasaun kona-ba Rekuperasaun Ekonómika Nivel Lokál
21 Janeiru 2013
Sekretariu Estadu Dezenvolvimentu Lokál servisu hamutuk ho Embaxada Brasil iha Timor-Leste fó formasaun ba funsionárius téknikus tolunulu husi Distritus kona-ba Rekuperasaun Ekonómika nivel lokál.
Secretario de Estado Comunicação Social ho MAE sei hala'o Distribuisaun Jornal ba iha Distritus
21 Janeiru 2013
Iha Segunda-Feira loron 21-01-2013 Sekretariu Estadu Komunikasaun Sosiál Nelio Izac hala'o enkontru ho Ministru Administrasaun Estatal Dr.Jorge Teme hodi diskuti kona-ba oinsá atu fasilita komunidade iha área rurál atu asesu ba informasaun liu husi distribuisaun jornal ba iha lider komunitaria.
Ministru MAE Dr.Jorge da Conceição Teme husu ba Povu atu haree Lixu hanesan Inimigu
11 Janeiru 2013
Iha loron 11-01-2013, V Governu Konstitusionál lansa limpeza jerál nivel nasionál no Ministériu Administrasaun Estatál responsabiliza ba atividade limpeza jerál ne'ebé hala'o iha kapital Dili.
MAE Publika Rezolusaun Área Livre Plastik
9 Janeiru 2013
Ministeriu Administrasaun Estatal (MAE) iha fulan Fevereiru tinan ne'e (2013) sei hala'o rezolusaun Lei ba Área Livre Plastik. Iha draft lei ne'e ko'alia kona-ba sansaun ba ema ne'ebé la kumpri no tuir regras.
DISKURSU HUSI S. E. PREZIDENTE TAUR MATAN RUAK IHA KOMEMORASAUN SENTENÁRIU DOM BOAVENTURA NO ANIVERSÁRIU PROKLAMASAUN INDEPENDÉNSIA BA DALA 37 (Same, Loron 28 Novembru 2012)
Exelénsias, Povo doben Timor Leste nia oan tomak.
Uluk nanain ha'u nia hakoak boot ba imi hotu no povu Timor Leste nia oan tomak, iha serimónia ne'ebé ita selebra tinan 37 dezde proklamasaun independénsia no tinan atus ida dezde Liurai Dom Boaventura mate.
DISKURSU HUSI S. E. MINISTRU ADMINISTRASAUN ESTATAL DR.JORGE TEME, IHA KOMEMORASAUN SENTENÁRIU DOM BOAVENTURA NO ANIVERSÁRIU PROKLAMASAUN INDEPENDÉNSIA BA DALA 37 (Same, 28 Novembru 2012)
Suas Exelênsias, Señoras no Señores,
Iha momentu ne'ebé ita atu remata selebrasoens epizódius boot rua ho signifikadu boot tebetebes iha ita-nia istória, ne'ebé marka kle'an tebes ita-nia destinu nu'udar Nasaun, ha'u hakarak agradese maluk-sira hotu nia prezensa iha ne'e.
KONVITE "KOMEMORASAUN 28 NOV' NO TINAN 100 REVOLTA DOM BOAVENTURA
Lori Komisaun Organizadora ba loron 28 Nov' no Tinan 100 Revolta Dom Boaventura, konvida publiku/ maluk Timor oan tomak nebe iha kbiit no meus de transporte atu partisipa iha evento Komemorasaun refere hanesan horario tuir mai:
"DO INICIO DE CONSOLIDAÇÃO DO ESPIRITO NACIONALISMO E PATRIOTISMO TIMORENSE Á RECONCILIAÇÃO NACIONAL" NUDAR TEMA BA: KOMEMORASAUN 28 NOV' NO TINAN 100 REVOLTA DOM BOAVENTURA
Saudasoens patrioticas ba Povu doben Timor Asuwain, feto-mane, feri-katuas no foi sae sira nebe namkari iha Timor laran tomak, husi rai ikun-rai ulun, tasi-feto, husi rai Oe-Cusse too rai Jaco. Liu husi biban ida nee, nudar Presidente Komisaun Organizadora Nasional ba Komemorasaun loron 28 de Nov' no Tinan 100 Revolta Dom Boaventura, hakarak fo sai ba publiku katak Komisaun Organizadora hahu servisus preparativus iha 13 de Outubru 2012. Ate a data, preparasaun ba Eventu nebe sei marka historia da Evolusaun Espiritu Nasionalismo no Patriotismo Timorenses, alkansa ona mais ou menos 85%.
Misaun Nasoins Unidas Remata iha Distritu Enclave Oecusse
6 Novembru 2012
Iha loron 6 fulan Novembru tinan 2012 Governu liu husi Ministeriu Administrasaun Estatal hala'o serimonia asina akordu entre Secretario do Estado Desentralisação Administrativa Sr.Thomas Cabral, akompaña husi Diretór Nasional Ministeriu Finansas, ho reprezentante Xefe UNMIT iha Timor-Leste, Clark Toes iha edifisiu UNMIT Distritu Enclave Oecussi.
Primeiru Ministru Kay Rala Xanana Gusmão Akompaña ho Dr.Jorge Teme Prezidente Komisaun Organizadora 28 Novembru & 100 Anos da Revolução, Observa Fatin Selebrasaun Dom Boaventura iha Distritu Manufahi
Iha Sesta-feira Loron 26 to'o 27 fulan Outubru tinan 2012, delegasaun Primeiru Ministru Kay Rala Xanana Gusmão akompaña husi Prezidente Komisaun Organizadora Dr.Jorge Teme hanesan Ministru Administrasaun Estatal no mós Membrus Governu ba iha Distritu Manufahi hodi hala'o enkontru ho Administradores Distritál no haree diretamente fatin selebrasaun Aniversariu Proklamasaun Independensia Nasional RDTL ba dala 37, iha 28 Novembru 2012 no mós Comemoracão do Centenario da Revolucão de Manufahi no rekoñesementu ba Dom Boaventura ne'ebé lokalizada iha área Luak, Aldeia Dotik, Suku Daisua, Sub-Distritu Same Distritu Manufahi.
Governu Indonesia, Portugal no Australia Sai Matadalan ba Governu Timor-Leste hodi Implementa Munisipiu iha Futuru
Hahú tinan 2003 Governu liu husi IV Governu Konstitusional hahú iha komitmentu atu Desentraliza Administrasaun Públika liu husi estabelese sistema Governu Lokál ne'ebé demokrátiku, tuir artigu 5, 71 no 72 Konstitusional RDTL nian prevee Desentralizasaun Administrasaun Públika liu husi Estabelesimentu Órgaun Poder Lokál. Ministru Administrasaun Estatal hala'o ona enkontru ho reprezentante Mendagri (Menteri Dalam Negeri) Indonesia ne'ebé reprezenta husi Dr.Barsilio de Araújo hodi diskuti kona-ba kontinuasaun apoiu ba MoU ne'ebé Eis Ministru Negosiu Estaranjeirus, Sr.Zacarias Albano da Costa asina ho Mendagri Indonesia iha tinan liu ba kona-ba prosesu Desentralizasaun.
Eskola Pre-Secundaria Bercoli, Distritu Baucau Inagura husi Ministru Administrasaun Estatal Dr.Jorge Teme
20 Outubru 2012
Iha loron 20 fulan Outubru Ministru Administrasaun Estatal, Dr.Jorge Teme, akompaña husi Vise-Ministru Edukasaun ba Asuntus Ensinu Superior, Sr.Marcal Ximenes, Inagura Eskola Pre-Secundaria Bercoli Distritu Baucau. Projetu konstrusaun eskola ne'e kaer husi Kompañia Morende Construction ne'ebé remata iha loron 14-10-2012 ho totál orsamentu dolares Amerikanu rihun atus ida, ruanulu resin.
Sekretariu Estadu Desentraliasaun Administrativa Hala'o Sorumutu Integradus ho Lideransa Másimu Distritus hodi Prepara Komisaun Instaladora Munisipal hodi Implementa Munisipiu iha Futuru
Antes atu implementa Munisipius V Governu Konstitusional liu husi Ministeriu Administrasaun Estatal, Sekretariu Estadu Desentralizasaun Administrativa hahú hala'o ona sorumutu integradus ho líderes Distritus hanesan Administradores Distritus, Administradores Sub Distritrus, Xefe Sukus no Aldeias iha Distritu Ermera, Liquiça, Manatuto no Aileu hodi prepara Komisaun Instaladora wainhira atu implementa Munisipiu.
Integrasaun DNDR-MED ba MAE
12 Outubru 2012,
Diresaun Nasional Dezenvolvimentu Rural (DNDR), antes tutela hosi Ministériu Ekonomia Dezenvolvimentu (MED) ne'ebé lakon iha V Governu Konstitusional, realiza iha loron 12 fulan Outubru, iha Salaun STAE-Dili, sorumutu jeral ida kona-ba integrasaun DNDR-MED ba Ministériu Administrasaun Estatal (MAE), ne'ebé konta ho prezensa hosi Ministru Administrasaun Estatal, Sekretáriu Estadu Dezenvolvimentu Lokal, Prezidente Komisaun Funsaun Públika, Diretor-Jeral MAE, Diretores Nasionais hosi DNPACE no hosi DNDL, Inspektor Jeral GIGAI, Diretora Interina no funsionárius públikus 114 hosi DNDR.
Sekretáriu Estadu Dezenvolvimentu Lokál Vizita Distritus 13
Dili,10 Outubru 2012,
Sekretaria Estadu Dezenvolvimentu Lokál ne'ebé foin mak hari'i nu'udar órgaun tutela hosi Ministériu Administrasaun Estatal iha V Governu Konstitusionál vizita iha fulan Setembru-Outubru-Novembru Distritus sanulu resin tolu ho objetivu atu aprezenta no divulga programa no polítika V Governu Konstitusionál nian, liu-liu ne'ebé refere ba promosaun dezenvolvimentu lokál no rurál.
Ministerio Administração Estatal Apoiu Orsamentu $100 mil ba Komité 12 Novembru 2012, hodi Komemora Loron Nasionál ba Juventude
Dili, 8 Outubru 2012,
Hanesan tinan-tinan komemorasaun loron istóriku 12 Novembru hodi hanoin hikas fali istória funu ba libertasaun da patria hodi fó honra ba heroi sira atu hametin mos espíritu nasionalizmu no solidariedade ba povu, liu-liu Juventude. Ne'e duni tema ne'ebé komisaun organizadora foti maka "Ho Espíritu 12 Novembru, Ita Hametin Nafatin Paz no Solidariedade ba Dezenvolvimentu Povu no Nasaun."
Grupu Amizade Australia hala'o Koperasaun ho Ministerio Administração Estatal hodi Apoiu Sub-Distritu Soibada iha área Dezenvolvimentu Infraestrutura no Saneamentu
Dili, 8 Outubru 2012,
Iha Segunda-Feira,8 Outubru 2012 Ministro Administração Estatal Dr.Jorge Teme, Akompaña ho Secretario de Estado da Desentralisação Administrativa Sr.Thomas Cabral hala'o enkontru ho Delegasaun husi Grupo Amizade Soibada ne'ebé kompostu husi Richard Morgan no Tamara Sloper Harding Hodi Diskuti kona-ba apoiu ba Dezenvolvimentu Sub-Distritu Soibada liu-liu iha área infraestrutura.
Sekretárius Estadu hosi MAE Fó Koñesimentu Programas Desentralizasaun Administrativa no Dezenvolvimentu Lokál
1 Outubru 2012,
Iha loron 1 fulan Outubru, Sekretáriu Estadu Desentralizasaun Administrativa ho Sekretáriu Estadu Dezenvolvimentu Lokal dezloka ba to'o Manatuto no reuni ho Administrador Distritu no Autoridades Lokais, Líderes Komunitárius, Estrutura CCI no ASSEMAT, no Emprezárius Lokais sira, tuir konvite hosi Administrasaun Distritu Manatuto.
Ministro MAE Loke Enkontro Reajustamento PAA 2013
Dili, 17 Agostu 2012, Ministro da Administração Estatal, Sr. Jorge Teme akompaña hosi Secretario do Estado Desentralização Administrativa Sr. Tomas do Rosario Cabral no Secretario do Estado Desenvolvimento Local Sr. Samuel Mendonça iha loron Quinta-Feira 16 de Agosto de 2012 halo abertura enkontro entre Directores Gerais, Nasionais no Administradores Distritos hodi reajusta programas hosi Direcção ida-idak no distritu sira.
Lee Textu Kompletu (Tetun)Secretarios Distritais 13 Tuir Treinamentu iha Jakarta
Dili, 16 Jullu 2012, Ministerio da Administração Estatal e Ordenamento do Território (MAEOT) liu hosi Direcção Nacional do Planeamento, Avaliação e Cooperação Externa (DNPACE) haruka Secretarios distritais 13 ba tuir treinamentu kona-ba Planu Estratéjiku iha Jakarta Indonesia hahú dia 16 to'o 20 de Julho de 2012.
Lee Textu Kompletu (Tetun)
Dr. Gaspar Soares Simu Posse Nu'udar Administrador Distrito Dili
Dili, 29 Marsu 2012, Presidente Comisaun Funsaun Publika Eng. Libório Pereira,MIM. akompanhado Ministro MAEOT senhor Arcângelo Leite iha Kinta-Feira 29 de 2012 fo tomada de posse ba Gaspar Soares nu'udar Administrador distrito Dili. Baze legal ba tomada de posse ne'e maka Decisão no. 406/2012/CFP emitido hosi Komisaun Funsaun Publika nu'udar orgaun kompetente. Nomeasaun ba Gaspar Soares ne'e, atu prienxe estrutura kargo Administrador distrito Dili hodi troka Sr. Ruben Braz ne'ebe remata ona nia mandato.
Lee textu kompletu (Tetun)Embaixador Australia ba Timor-Leste no Chefe AUSAID Vizita Ministério Administração Estatal e Ordenamento do Território
Dili, 6 Fevereiru 2012, Embaixador Australia iha Timor-Leste, Excia. Sr. Miles Armitage hala'o vizita kortezia ba Ministério da Administração Estatal e Ordenamento do Território (MAEOT), akompanha husi Chefe AUSAID nian iha Timor-Leste, Sr. Vincent Ascrofti no Jerente ba Programa Governasaun, Sr. Alvaro Pereira.
Lee Textu Kumpletu (Tetun) -
Ministério da Administração Estatal e Ordenamento do Território Hala'o Serimonia Distribuisaun Viaturas ba Administrador Sub-Distritu sira
Dili, 13 Janeiru 2012, Ministro da Administração Estatal (MAEOT), Dr. Arcângelo Leite, hamutuk ho Inspektor Jeral do MAEOT, Director DNAF, Director DNAL, Director Geral INAP, Inklui responsavel lojistika iha MAEOT, entrega simbolikamente viaturas hamutuk 14, ba Administradores Sub-Distritu (ASD) na'in-sanulu-resin-ha'at iha edifisiu MAEOT.
Lee Textu Kumpletu (Tetun) -
MINISTRU ARCANGELO LEITE HALA'O INAGURASAUN BA PROJETU PDD1, PDD 2 NO PDL IHA DISTRITU BAUCAU
Baucau, 30 Novembru 2011, Ministru Arcangelo Leite hala'o inagurasaun simboliku ba projetu PDD 1, PDD 2 no PDL 2011 iha distritu Baucau ne'ebe hola fatin iha escola pre-secundaria No. 3 Vila-Nova Baucau. Eskola refere hanesan projetu ida husi projetu 10 ne'ebe hetan inagurasaun. Husi projetu 10 ne'ebe inaguradu ne'e, projetu PDL 6 no Projetu PDD1, PDD 2 hamutuk 4. Lee Textu Kumpletu (Tetun) -
MAEOT HALA'O DESIMINASAUN LEI No. 11/2009 BA ADMINISTRADORES HUSI DISTRITU 13
Dili, 18 Novembru 2011, Ministeriu da Administração Estatal e Ordenamentu do Territoriu (MAEOT) liuhusi diresaun 4 ne'ebe kompostu husi Diresaun Nasional Administrasaun Lokal (DNAL), Diresaun Nasional Planeamentu, Avaliasaun no Kooperasun Externa (DNPACE), Diresaun Nasional Apoiu ba Administrasaun Suco (DNAS) no Diresaun Nasional Dezenvolvimentu Lokal no Ordenamentu Teritoriu (DNDLOT) hala'o desiminasaun Lei No. 11/2009 sobre Divizaun Administrativa do Territoriu ba Administradores husi distritu 13 iha Dili. Lee Textu Kumpletu (Tetun) -
SORUMUTU KOORDENASAUN PROPOSTA ORSAMENTU DISTRITU BA TINAN FISKAL 2012
Dili, 14 Junu 2011, Ministerio da Administração Estatal e Ordenamento do Territorio organiza Sorumutu Koordenasaun Proposta Orsamentu Distritu durante loron rua hahu husi loron 13-14 fulan Juñu 2011 ne'ebe partisipa hosi Administrador distritu sira, liñas ministeriais relevantes, ho nia objetivu atu halo diskusaun no apresiasaun ba proposta orsamentu ne'ebe elabora ona iha distritu liuhosi Sorumutu Integradu Distrital, nune'e bele iha sinkronizasaun proposta Planu Dezenvolvimentu nivel distritu no nasional. Lee Textu Kumpletu (Tetun) - Rona Programa Radio
"NASAUN NE'EBE LAIHA EDUKASAUN, NE'E NASAUN NE'EBE LAIHA FUTURU"
Vemasse, Junu 2011, Tinan ida liu tiha ona hafoin kompleta no inaugura eskola sekundaria foun iha Vemasse, Distritu Baucau, ho apoiu husi Fundu Dezenvolvimentu Lokal. Lee Textu Kumpletu (Tetun) - (English) - (Portugues) -
MAEOT SOSIALIZA DEKRETO-LEI NO.18/2011 SOBRE IMPLIMENTASAUN PDD I NO PDD II
Dili, 9 de Maio 2011, Iha loron Segunda Feira dia 9 de Maio de 2011, Ministerio da Administração Estatal e Oredenamento do Territorio, organiza enkontru ba sosializasaun Dekreto Lei No. 18/2011 sobre Prosedimento Adisional Implimentasaun Pakote Desenvolvimento Desentralizado I (PDD I) Pakote Desenvolvimento Desentralizado II (PDD II) ba Administradores Distritos nu'udar koordenador Komisaun Desenvolvimento Distrital, 13 Directores distritais das Obras Publikas, Educasaun, SAS distrital. Lee Textu Kumpletu (Tetun) - (English) - (Portugues)
KOREA DO SUL ENTREGA KOMPUTADOR NE'EN NULU RESIN LIMA 65 BA STAE
Dili, 1 Abril 2011, Iha loron 01 fulan Abril 2011, hala'o serimonia ida iha sede STAE Nasional Dili kona-ba entrega komputador ne'en nulu resin lima (65) husi embaixador Korea iha Timor-Leste liu husi ninia agensia koperasaun internasional Koreia (KOIKA). Lee Textu Kumpletu (Tetun) - (English) - (Portugues)
ABORDAZEN GOVERNASAUN LOKAL HALO MUDANSA IHA MANUFAHI
Same, 1 Abril 2011, Vise SRSG/Resident Coordinator, Sr. Finn Reske-Nielsen, vizita projetu tolu ne'ebe mak implementa ona husi Governu ho apoiu husi UNCDF-UNDP hamutuk ho Programa Apoiu Governasaun Lokal (LGSP) iha Same, Distritu Manufahi, akompana ho reprezentante nivel aas husi komunidade Internasional iha Timor-Leste inklui mos Norwegia, Nova Zelandia, Irlandia, Uniaun Europeia, AusAID no respresentante ONU sira seluk. Lee textu kompletu (Tetun) - (English) - (Portugues)
DISTRITU NO SUB-DISTRITU SIMU KAIXA INFORMASUN NO SUJESTAUN FOUN KONA-BA GOVERNASAUN LOKAL, DEZENVOLVIMENTU NO DESENTRALIZASAUN
Dili, 21 Marsu 2011, Kaixa informasaun no sujestaun foun husi Ministeriu Administrasaun Estatal no Ordenamentu Territoriu (MAEOT) ohin loron entrega ona ba administrador distritu 13 no administrador sub-distritu 65, iha okaziaun enkontru konsultivu administrador sira ho MAEOT iha Dili. Inisiativa ida ne'e suporta husi konjuntu UNCDF-UNDP Programa Apoiu Governasaun Lokal (LGSP). Lee textu kompletu (Tetun) - (English) - - (Portugues) - Rona Programa Radio
STAE, MAEOT NO PNTL LOKE DALAN BA PLANU OPERASIONAL ELEISAUN 2012
Dili, 16 Marsu 2011, Dili 16 Marsu 2011-Enkontru nivel a'as hala'o ohin loron iha STAE (Secretariadu Tekniku ba Administrasaun eleitoral) iha Dili hodi diskuti planu operasional ba Eleisaun jeral 2012. Enkontru ne'e organiza husi Director jeral STAE Sr. Tomas do Rosario Cabral, komisariu Jeral PNTL Dr.Longuinhos Monteiro, Ministro MAEOT Sr.Acangelo Leite, Komandante PNTL distritu 13, komandante UNPOL, Administrador Distrito hotu, no fusionario tomak. Lee textu kompletu (Tetun) - (English) - (Portugues)
GOVERNU ALOKA 3.5 MILHAUN DOLLAR AMERIKANU BA FUNDUS DEZENVOLVIMENTU LOKAL
Dili, 28 Fevereiru 2011, Ministru Administrasaun Estatal no Ordenamentu Territoriu, Sr. Arcangelo Leite, ohin loron fo sai katak millaun 3.5 dolar Amerikanu mak aloka ona ba Fundu Dezenvolvimentu Lokal (FDL) iha tinan 2011.Lee textu kompletu (Tetun) - (English) - (Portugues)
- Rona Programa Radio
MINISTRO LEITE APRESIA PARSEIRU INTERNASIONAL FOUN BA DEZENVOLVIMENTU IHA OE-CUSSE
Dili, 13 Dezembru 2010, Ministerio da Administração Estatal e Ordenamento do Territorio (MAEOT) Dr. Arcangelo Leite, akompana husi Secretario do Estado da Regiao Autonomia de OeCusse Dr. Jorge Teme, ohin hasoru malu ho Delegasaun ida husi Governu Malacca iha Dili ho objetivu hodi apoiu formalizasaun parseiru dezenvolvimentu ne'ebe orientadu entre Fundasaun Malaka ho Fundasaun Solenusat OeCusse.Lee Textu Kumpletu (Tetun) - (English) - (Portugues)
RELATORIU ESTERNAL FO SAI KONA-BA ATINJIMENTU IMPORTANTE HUSI PAGL
Dili, 8 Novembru 2010, Iha relatoriu esternal ida ne'ebe foin lalais ne'e fo sai katak PAGL klaru tebes "hakat liu tiha espetasaun" ninia istoria tinan 3 iha Timor-Leste, ne'ebe marka rezultadu pozitivu balun. Avaliasaun mediu prazu ne'e hala'o hamutuk entre UNCDF, UNDP no Iris Aid, ho ninia objetivu prinsipal maka hodi avalia PAGL dezempenhu no performasaun no hodi halo rekomendasaun hodi hametin programa. Tuir relatoriu ne'e, PAGL halo doublu numeru ba distritu entre 2007 no 2009, no ikus liu kobre territoriu tomak iha 2010, ezekuta ona 90% husi orsamentu 6.5 USD milliaun ne'ebe aloka.Lee Textu Kumpletu (English)
IRLANDIA RENOVA SUPORTA BA PROGRAMA APOIU GOVERNASAUN LOKÁL IHA TIMOR-LESTE
Dili, 7 Outubru 2010, Hodi promove dezenvolvimentu lokal no prosesu desentralizasaun iha nasaun ida ne'e, Governu Irlandia fornese 750,000 Euros, hodi kontribui ba Programa Apoiu Governasaun Lokal (PAGL). PAGL hanesan programa konjuntu ne'ebé apoiu husi Fundu Dezenvolvimentu Kapital Nasoins Unidas (FDKNU) ka UNCDF no Programa Nasoins Unidas ba Dezenvolvimentu (PNUD), programa nee hala'o no ninia edifisio iha Ministerio da Administração Estatal e Ordenamento do Territorio (MAEOT).Lee textu kompletu (Tetun) - (English) - (Portugues)