Fatuhada simu sede suku foun

Notisias

Fatuhada simu sede suku foun

Iha loron 23 Jullu populasaun suku Fatuhada halaó inagurasaun sira nia sede suku foun.

Iha serimonia inagurasaun ne’e hetan prezensa husi Ministru de Administração Estatal e Ordenamento do Território, Dr. Arcângelo Leite , Administrador Distritu Dili, Sr. Rubem Braz, xefe suku Fatuhada, Sr. Justino Monis G. Leite, no populasaun ne’ebe hela iha nebá liu husi ema atus rua inklui profesór no membru ONG sira.

“Sede suku hirak ne’e importante hanesan area komún ne’ebe populasaun bele iha asesu ba treinamentu, sorumutu komunidade no mós bele funsiona hanesan fatin ba halo mediasaun ba rezolve konflitu iha komunidade�, hateten Sr. Justino.

Sede suku Fatuhada hahú konstrusaun iha Maiu 2007 hafoin liu tiha tinan rua prosesu ba konstrusaun ne’e finaliza no hetan inagurasaun iha loron 23 Jullu.

Hanesan sinál konfiansa ba iha komunidade, maka governu Timor-Leste aloka USD$ 7.000 ba suku hotu hodi utiliza sira nia kapasidade hodi konstrui no reabilita sira nia sede suku.

“Hau hakarak uza oportunidade ida ne’e hodi fó parabeins ba xefe suku tanba inagurasaun nee inasiativa importante nebe hala’o ho suporta husi governu nebe oferese orsamentu ba konstrusaun no rehabilitasaun sede suku iha Timor-Leste laran tomak�, hateten Dr. Arcângelo.