Notisias

Notisias

Secretario do Estado Reforma Administrativa, Dr Florindo Pereira Asina Akordo ho Mayor Leichardt Mr. Cr Jamie Parker

Atu hametin liu tan amizade entre sidades amigas Australia no Timor Leste, Secreatario do Estado da Reforma Administrativa Dr. Florindo Pereira iha loron 11 fulan Dezembro, assina acordo ida ho Mayor de Leichardt, Mr. Cr. Jamie Parker iha Administração Distrito Bobonaro, atu reabilita Ginasio distrito Bobonaro sub distrito Maliana.

Dr. Florindo Pereira, hato’o obrigado wain ba komunidade Leichardt nebe’e ho laran luak hakarak hadia Ginasio Maliana, nebe’e sai nudar fasilidade desporto liu liu ba juventude sira, nia espera katak iha tempo oin mai komunidade Leichardt sei tulun nafatin komunidade distrito Bobonaro iha projetu seluk tan. Projetu ne’e hanesan oportunidade ida ba distrito Bobonaro, tamba distrito seluk lahetan projeto reabilitasaun hanesan ne’e.

Mayor de Leichardt Mr. Cr Jamie Parker hateten katak nia sente haksolok tebes bele mai to’o iha distrito Maliana, hodi hare directamente kondisaun Ginasio nebe’e atu reabilita.
Reabilitasaun ne’e sei gasta osan barak uituian, maibe laiha problema, nia halo meios oin-oin hodi buka osan husi komunidade Leichardt hodi ajuda halo reabilitasaun ba Ginasio nebe’e refere. Nia promete katak projetu ne’e hotu iha tinan 2009 nia laran no nia sei fila hikas mai Bobonaro hodi halo inagurasaun

Reabilitasaun ho nia valor orsamento 147.000.00 dollar amerikanu ne’e nia sei hahu iha tinan foun 2009. Administrador distrito Bobonaro hateten katak tuir acordo ne’e Administrador iha kompetensia tomak atu indika ka halo prosesu tenderizasaun ba reabilitasaun ne’e. Lider distrito Bobonaro mos hatete katak nia sei eskolla kompanhia nebe’e iha kualidade no kredilidade atu kaer projetu ne’e, tamba afeta diretamente ba desenvolvimento distrito, liuliu iha area desporto.

Atu hetan tan informasaun bele kontaktu ho :

Sr. Sebastião Pereira
Hp. : 7357544