Irladia Renova Suporta ba Prorgama Apoiu Governasaun Lokal iha Timor-Leste

Notisias

Irladia Renova Suporta ba Programa Apoiu Governasaun Lokal iha Timor-Leste

Dili, 7 Outubru 2010 – Hodi promove dezenvolvimentu lokál no prosesu desentralizasaun iha nasaun ida ne’e, Governu Irlandia fornese 750,000 Euros, hodi kontribui ba Programa Apóiu Governasaun Lokál (PAGL). PAGL hanesan programa konjuntu ne’ebé apóiu husi Fundu Dezenvolvimentu Kapitál Nasoins Unidas (FDKNU) ka UNCDF no Programa Nasoins Unidas ba Dezenvolvimentu (PNUD), programa ne’e hala’o no ninia edifisio iha Ministério da Administração Estatal e Ordenamneto do Território (MAEOT). Sr. Eoghan Walsh, Xefe Misaun Irish Aid no Sra. Mikiko Tanaka, Diretóra Nasionál PNUD iha Timor-Leste, asina akordu durante serimonia ida ne’ebé hala’o iha edifisiu Diretora Nasionál PNUD nian iha Dili.

“Dezenvolvimentu lokál no boa governasaun lokál esensial tebes ba redusaun pobreza no dezenvolvimentu nasaun ne’e nian iha futuru. Irish Aid fó apóiu ona kona ba desentralizasaun no governasaun lokál iha Timor-Leste hahu iha 2003 no ami sei kuntinua fo apóiu ba prosesu ne’e iha futuru hanesan parte ida hosi ami nia Stratejia Nasaun ba Timor Leste ba tinan 2010 to 2014. Ho kontribuisaun adisionál ida ne’e ami hakarak reforsa tan Irlandia nia komitmentu hodi hametin governasaun lokál iha Timor-Leste" haktuir Sr. Eoghan Walsh.

UNCDF no PNUD agradese tebes ba Governu Irlandia ba ninia kontribuisaun ne’ebe iha valor tebes no ba sira nia kuntinuasaun apóiu ba PNUD no UNCDF nia programa. Haú fiar katak ho ita nia parseria ita sei kuntribui hodi responde obstaklu dezenvolvimentu xave balun iha Timor-Leste", hateten Diretora Nasionál PNUD, Sra. Tanaka.

“Irlandia hanesan duador xave ba programa ne’e hahu iha 2003, bainhira apóiu ba desentralizasaun no governu lokál iha Timor-Leste liu husi PAGL nia programa balun uluk. Komesa husi ne’eba Irish Aid sai hanesan parseiru forte,konstrutivuno konfiansa ida ba PAGL no mos Ministerio da Administração Estatal. Kontribuisaun adisionál ne’e sei halo PAGL kuntinua no habelar liu tan ninia suporta ba Ministerio da Administração Estatal e Ordenamento do Territorio (MAEOT) Esplika Susanne Kuehn, Xefe Asesóra Tékniku ba PAGL.

Programa ne’e estabelese iha 2007, ne’ebé harii tuir projetu rua ne’ebé hala’o uluk tiha hanesan, Estudu Opsaun ba Governu Lokál (EOGL) no Programa Dezenvolvimentu Lokál (PDL). Ne’ebé ninia objetivu maka hodi kontribui ba redusan pobreza iha Timor-Leste liu husi apóiu ba akontabilidade, transparansia, no governu desentralizadu ida ne’ebé efetivu. Programa ne’e hala’o iha Ministerio da Adminitsrção Estatal no oras ne’e daudaun iha staff hamutuk na’in 20.