Tetun Home > Notisias > Funsionáriu MAEOT Hala'o Doasaun Ran

Notisias

Funsionáriu MAEOT Hala'o Doasaun Ran

Iha Sesta-feira (12/02/2010), funsionáriu husi Ministério da Administração Estatal e Ordenamento do Território (MAEOT) voluntáriumente hala'o Doasaun Ran (donor darah) ba banku de Sangue (BNS) hodi ajuda maluk timór oan sira ne’ebé presiza ran iha Hospital.

Sr. Carlito Martins, Diretór Jerál MAEOT, hateten katak : “Ran ne’ebé ita fó, sei salva vida moris ema seluk nian ne’ebé presiza.†Nia hatutan mos katak aktu ida ne’e hanesan implementasaun husi desizaun Konsellu Ministru ninian iha loron 13 Fulan Fevereiru 2010, kona-ba oinsá funsionáriu públiku hotu atu partisipa voluntáriumente iha Doasaun ran (donor darah).

Ran husi funsionáriu MAEOT ne’e sei rai iha laboratóriu hodi halo identifikasaun médiku antes lori ba tau iha Banku de Sangue, tanba ran ne’ebé atu uzá ka tulun pasiente sira, médikamente tenke livre husi moras hotu.

Atividade doasaun ran ne’ebé hala’o husi Banku de Sangue iha MAEOT ne’e hetan entusiasmu husi funsionáriu tomak, husi atividade ida ne’e Banku de Sangue konsege rekoila ran plástiku 30 resin voluntáriumente husi funsionáriu MAEOT hodi fó apoiu ba pasiente sira iha hospital nasionál Guido Valadares.