Sede de Suku hanesan sentru ba komunidade

Notisias

Sede de Suku hanesan sentru ba komunidade

Direção Nacional de Apoio ao Administração do Suco (DNAAS) hanesan diresaun ida husi Ministério da Administração Estatal e Ordenamento do Território (MAEOT) ne’ebé fo nia apoiu tomak ba iha adminstrasaun Suco iha Timor Laran.

Sede de Suco sai hanesan area prioridade iha 2009, iha tinan ida ne’e hamutuk sede suco 27 mak tama iha pakote konstruksaun hodi kompleta ba konstruksaun sede suku 442, alokasaun orsamento ba construção 27 ne’e ho montante USD $ 196.000, husi resultado monitorizasaun ekipa tekniku hatudu katak progresu o construção sede suku atinji ona 90%.

Alende suporta iha parte administrasaun diresaun ida ne’e mos fo nia apoiu ba iha re-instalasaun no manutensaun ba sistema sollar panel iha sede de suco iha teritorio tomak.

Esforsu governu hodi fo apoiu ba suco iha parte hirak ne’e positivu tebes tanba sede de suco mak sai hanesan fatin ba chefe suco sira hodi hala’o servisu administrasaun, sede de suco mós sai hanesan centru ba komunidade atu asesu ba informasaun no komunikasaun liuliu kona-ba halo diskusaun kona-ba progresu dezenvolvimentu ne’ebé lao iha nasaun laran.