Governu Spania Fo suporta STAE BA aktividade eleitoral

Notisias

Governu Spania Fo suporta STAE BA aktividade eleitoral

Governu Spania lui husi Agensia Internasional ba Koperasaun no Dezenvolvimentu (AECID) halao Cerimonia iha Loron 1 Outubru 2009 iha Ofisio Secretario Techniku e Administrasaun Eleitoral (STAE), ne’ebé iha Ministeriu Administrasaun no Ordenamentu Teritorial nia okos relasiona ba suporta atu hametin atividade edukasaun votantes ba perparasaun Eleisaun Lideransa Komunitaria 2009 iha Timor Leste.

AECID fó suporta ba STAE ho kontribusaun montante Euro 40,000, ba kampania edukasaun vatantes ne’ebé lao dadaun iha Timor laran tomak konaba Eleisaun Komunitaria ne’ebé sei realiza iha loron 9 fulan Outubru.

Participa iha cerimonia ne’e mak Sr. Tomas Cabral, Diretur STAE, hateten katak ida ne’e suporta ne’ebé imporatnte atu kontribui no hasae konsensia votantes ba prosedimentu votasaun no mos desiminasaun informasaun importante ba prosesu eleitoral nian.

Sr. Francisco de Asis Lopez Sanz, Diretur AECID sublinia katak ne’e hanesan ksolok boot no onra ida ba AECID atu bele iha kbit hodi fó suporta servisu instituisaun eleitoral nian in Timor Leste hodi participa no hametin prosesu demokratizasaun iha Nasaun ida ne’e.