Seremonia entrega material sensitivo BA coordenadores STAE distrito no komandante PNTL distritos

Notisias

Seremonia entrega material sensitivo BA coordenadores STAE distrito no komandante PNTL distritos

Ohin iha Grafica Nasional em Dili, hala’o seremonia entrega Buletim de Votos sira ba Coordenadores STAE 13 distritos sira no Comandante PNTL distrito.

Marka prezensa iha Seremonia ne’e mak hanesan : Dr. Florindo Pereira Secretario Estado Reforma Administrativa, Sr. Longuinhos Monteiro, Comandante Geral PNTL, Dr. Faustino Cardoso, Prezidente CNE nebe iha nia diskurso hatete katak Eleisaun Lideransa Komunitario 2009 ne’e importante tebes atu hari demokrasia, estabilidade no dezenvolvimento iha Timor Leste.

Husi UNEST, reprezenta Sr. Andres del Castillo nebe congratula STAE ho CNE e iha nia diskursu nia hatete katak Eleisaun Geral 2007, buletim de votos sira ne’e ba halo hotu iha Surabaya, maibe iha Eleisaun ida ne’e, buletim de votos sira hotu halo no imprimi iha Grafica Nasional, Dili.

Material sira ne’e sei lori ba distritos sira ho seguransa maksimu husi PNTL tamba material sira ne’e sensitivos tebes no precisa duni akompanhamento husi PNTL atu nune’e material sira ne’e bele to’o ba iha distritos ho seguro. UNMIT apoia distritu Oecusse cum UNMIT Helicopteru.