STAE hetan ajuda motorizada husi UNDP

Notisias

STAE hetan ajuda motorizada husi UNDP

Iha dia 31/08/2009 dader horas 10:00, Sr. Akbar Usmani Country - Director UNDP no Sr. Andres del Castillo Chefe UNEST a convite de Sr. Tomás do Rosário Cabral, Director STAE, participa seremonia da entrega motorizada ho marka Honda Mega Pro ba coordenadores STAE 13 distrito no chefe departamento sira atu suporta sira hodi hala’o servisu ba preparasaun Eleisaun Lideransa Komunitaria 2009.

Sr. Akbar Usmani iha nia konkurso hatete katak UNDP nia mandato laos atu fo apoio material deit ba iha STAE maibe atu fo mos ajuda hodi aumenta kapasidade rekursu humanu ba iha isntituisaun ida ne’e. Iha tempo hanesan mos, Sr. Andres del Castillo informa katak UNEST pronto atu ajuda STAE no sei esforso atu atende STAE nia nesesidade. Director STAE mos husu ba coordenadores sira atu kuidado didiak motorizada sira ne’e, hodi nune’e bele fasilita sira hala’o nia servisu loron-loron ho diak.

Durante ne’e STAE hetan difikuldade atu fo apoio no transforma informasaun ba iha baze, ho razaun tamba kondisaun Estrada nebe la favorabel. STAE sente orgulho tebes ho ajuda husi UNDP, hodi nune’e STAE bele fo apoio no transforma informasaun to’o ba iha baze. Motorizada nebe oferese husi UNDP, nia kuantidade hamutuk 21 e motorizada sira ne’e sei hela ba STAE atu hodi hala’o sira nia servisu ba oin tuir plano nebe STAE planeado tiha ona.