Sekretáriu Ezikutivu UNCDF reafirma Komitmentu hodi apoiu governasaun lokál durante vizita mai Timor-Leste

Notisias

Sekretáriu Ezikutivu UNCDF reafirma Komitmentu hodi apoiu governasaun lokál durante vizita mai Timor-Leste

Husi loron 7 to’o 9 Agustu, Sr. David Morrison, Sekretáriu Ezikutivu, Fundu Dezenvolvimentu Kapitál Nasoins Unidas (UNCDF), hala’o nia preimeira vizita mai Timor-Leste hafoin nia hahú serbisu hamutuk ho UNCDF husi Jullu 2008.

Iha Timor-Leste, UNCDF apoiu hela programa rua ne’ebé koopera hamutuk ho Progarama Dezenvolvimentu Nasoins Unidas (PNUD): Programa Apoiu Governasaun Lokál (PAGL) no Finansa Inkluzivu ba ekonomiku ne’ebé la hetan apoiu (INFUSE).

Durante nia vizita Sr. Morrison halo viajen ba Manatuto hanesan distritu ida husi Distritu pilotu ualu ne’ebé UNCDF liu husi PAGL, suporta populasaun hodi asesu ba infraestrutura no serbisu báziku balun. Aleinde hasa’e kapasidade lokál ba prestasaun serbisu públiku no projetu eskala ki’ik hodi prepara autoridade lokál ba desentralizasaun.

Sr. Morrison’s nia viajen ba Manatuto halo vizita mós ba fatin konstrusaun kanál irigasaun ne’ebé finánsia husi governu Timor-Leste no apoiu tékniku husi PAGL, projetu ida ne’e bele hasa’e asesu populasaun ba bee ba saniamentu no agrikultura.

Sekretáriu Ezikutivu ne’e akompaña husi Sr. David Jackson, Konselleru Tékniku Rejionál UNCDF iha Bangkok, hasoru malu ho parseru dezenvolvimentu no parte interesadu husi programa UNCDF nian rua ne’e, inklui Ministro de Administrção Estatal e Ordenamentu do Territorio (MAEOT), Dr. Arcângelo Leite ne’ebé ko’alia kona-ba progressu husi prosesu estabelesementu munisípiu iha Timor-Leste.

Ministru Arcângelo Leite uza oportunidade ida ne’e hodi fó obrigadu ba UNCDF ba sira nia apoiu ba prosesu desentralizasaun. “Ha’u hakarak hato’o ha’u nia agradese ba asisténsia ne’ebé UNCDF fó mai governu Timor-Leste nu’udár ami nia parseru besik liu hahu husi 2003, maibe hau fiar mos importante liu mak reflete ba nesesidade hodi troka mekanismo ba koperasaun, laos deit atu oferese apoiu tekniku maibe mos hodi bele garante apoiu kontretu ba povu Timor-Leste", haktuir Ministru.

Durante nia vizita Sr.Morrision reafirma sira nia komitmentu forte hodi apoiu redusaun pobreza iha Timor-Leste. Objetivu husi vizita ida ne’e maka hodi buka hatene progresu ne’ebé hetan husi Dezenvolmentu Lokál no mikro finansa atu nune’e hodi buka hatene oinsa atu bele promove ami nia apoiu ba programa rua ne’e. Ha’u kontente tebes ho rezultadu ne’ebé ami haree no prospek ba dezenvolvimentu iha Timor-Leste�, hateten Sekretáriu Ezikutivu.