Irlanda aumenta asisténsia ba governasaun lokál

Notisias

Irlanda aumenta asisténsia ba governasaun lokál

Hodi promove prosesu desentralizasaun iha nasaun ida ne’e, Governu Irlanda asina akordu aumenta kontribuisaun hamutuk EUR 360,000 ba Programa Apóiu Governasaun Lokál (PAGL), ne’ebé implemta iha Ministerio da Administração Estatal e Ordenamneto do Território (MAEOT), ne’ebé suporta mós husi Fundu Dezenvolvimentu Kapitál Nasoins Unidas (UNCDF) no Programa Nasoins Unidas ba Dezenvolvimentu (PNUD).

Sr. Charles Lathrop, Reprezentante husi Irish Aid, no Sr. Akbar Usmani, Directór Nasionál husi PNUD, asina akordu iha serimonia ne’ebé hala’o iha gabinete Irish Aid nian iha Dili, iha loron 31 Jullu 2009.

“Estabelese governasaun Lokál ne’ebé efetivu ne’e esensiál tebes ba futuru nasaun ida ne’e. Ho aumenta kontribuisaun ida ne’e ami hakarak reforsa tan Irlanda nia Komitmentu hodi suporta prosesu desentralizasaun hodi promove prestasaun serbisu no komoditi públiku ba povu Timor-Leste hodi bele hamenus kiak”, haktuir Sr. Lathrop.

“UNCDF no PNUD agradese tebes ba Governu Irlanda nia kontribuisaun ne’e, hodi bele kuntinua nafatin apóiu no promove prosesu desentralizasaun iha rai ida ne’e. Kontribuisaun ida ne’e mai iha tempu ne’ebé importannte tebes ho estabelesemntu Munisípiu foun iha ne’ebé tuir orariu sei hahú iha 2010’, dehan Sr. Country Director PNUD, Akbar Usnami. Diretór PNUD ne’e espresa nia apresiasaun pesoál ba Sr. Lathrop ne’ebé nia mandatu serbisu iha Timor-Leste sei sei remata iha fulan ida ne’e. “Ami sempre konta nafatin Ita, ba Ita nia kolaborasaun di’ak ne’e halo diferente,” nia dehan.

PAGL harii iha 2007 ho osan hamutuk $ 7.75 milliaun US nu’udar projetu ba tinan lima nian ne’ebé foka ba iha projetu pilotu rua maka hanesan, Local Government Options Study (LGOS) ka Estudu Opsaun Governasaun Lokál (EOGL) no Programa Dezenvolvimentu Lokál (PDL). Ida ne’e nia objetivu maka atu kontribui ba hamenus kiak iha Timor-Leste liu husi suporta ba estabelesemntu governu ida ne’ebé desentralizadu, akontabilidade no efetivu. Projetu ne’e mós hetan apoiu orsamnetu husi governu Norwega no Governu Timor-Leste.