Director

Kona-Ba: Diretor Nacional Desenvolvimento Local e Ordenamento do Território

Sr. Miguel Pereira de Carvalho

Sr. Miguel Pereira de Carvalho nomeia hanesan Diretór Nacional Desenvolvimento Local e Ordenamento do Territorio iha loron 11 de Abril 2008. Nia responsabiliza atu jeer prosesu desentralizasaun no reforma governo lokál. Nia mós tau matan ba Programa Dezenvolvimentu Lokal, ne’ebé hanesan pilotu ba governasaun lokál iha distritu ualu (8).

Sr. Carvalho hetan nominasaun ne’e tuir nia istória edukasaun no esperensia serbisu hamutuk ho Governo Lokal, no mós kapasaidade ne’ebé nia hatudu hanesan Diretór Nacional Administração e Finanças husi 2004-2008.

Nia tuir bolsa de estuda iha Institute Nasionál ba Administrasaun Publika iha Bandung, Indonesia husi 1994-1998, no tuir kursus ne’ebé foka liu kona-ba governo lokál no ema ne’ebé atu tama serbisu hamutuk ho administrasaun governo. Depois nia remata ninia estuda, nia komesa kedas serbisu hamutuk ho Administrasaun Distritu Bobonaro. Iha tinan 2003, Sr. Diretór kontinua ninia estudus iha Sydney, Australia, no hetan S2 iha Polítika Publika husi Universidade Macquarie.

Durante nia esperensia de serbisu, Sr. Diretór hatete katak nia sempre hakarak serbisu hamutuk ho Governo, tanba nia iha komitementu ba susesu Timor-Leste wainhira ukun-an. "Timor-Leste falta de rekursu humanu, entaun joven hotu presiza hakaas an hodi hetan esperensia no fó liderasana iha prosesu dezenvolvimentu ba rai ida ne’e", hatete Sr. Diretor, "Ha’u nia responsabilidade maka ba ha’u nia nasaun, atu lori serbisu ba oin, no serbisu hamutuk ho ema hotu, atu nune’e Governo bele iha susesu ho objetivus ne’ebé iha".

Hanesan Diretor DNDLOT, Sr. Carvalho hanoin katak nia serbisu hamutuk ho reforma governo lokál sei sai benefísiu ida hodi had’iak liu tan serbisu Governo nian. Maski Governo Lokál seidauk estabelese, tanba Governo Sentral debate hela sobre estrutura no polítika, mudansa ne’ebé sei iha bele muda buat barak. “Wainhira Ita iha Governo Lokal ona, sira bele ta’u matan ba problema hanesan dalan, listrik, bee-moos – buat ne’ebé ema hotu presiza no governo lokál bele ajuda halo", hatete Sr. Diretor.

Durante nia tempu libre, Sr. Carvalho gosta jogabolla hamutuk ho kolega sira dalaruma no tim Ministerio nian, halimar catur, no nani iha tasi-ibun durante fin de semana. Nia sai kaben tiha ho oan nain ida.

Hodi hetan informasaun tan sobre Sr. Diretor ka ninia serbisu ho desentralizasaun no governo lokál, ka husu entrevista hamutuk ho nia, favor ida kontaktu ba +670 730 4268 ka haruka email ba iha miguelcarvalho76@yahoo.com.