Director Profile

Direcção Nasional Apoio á Administração dos Sucos

Director Profile

Celestino Marques, moris iha Dili, 26 de Janeiru 1967. hasai licenciatura Administrasaun Publica iha Sekolah Tinggi Ilmu Administrasi-Lembaga Administrasi Negara (STIA-LAN) jakarta, Indonézia (2002). tempu okupasaun Indonézia nian, servisu iha Administrasaun do Distrito Liquica (1990-1993) iha seksaun Ekonomia e Dezenvolvimento. Depois Timor hetan Ukun Rasik An (1999), hamutuk ho kolega ativista pro Independencia Timor-Leste balun fila mai Dili, hari NGO ida naran Forum Democracia Maubere (ForDeM) Outubro 1999. iha momentu ne’e seidauk remata teze licenciatura, entaun iha tinan 2000 hetan bolsu de estudu husi Fundasaun Bishop Belo Scholarship Programme (BBSP) fila fali ba Jakarta hodi remata estudu ne’ebe refere. Depois de remata tiha estudu iha tinan 2002, fila mai Dili servisu iha Fundasaun Hukum Hak Asasi dan Keadilan/Klibur ba Lei Direitus Umanus no Justica (HAK) nudar Asisten Ofice Manager (Maiu 2002-Juňu 2003), Xefe Departementu Servi no Mobilizasaun Membros (Juňu 2003-Fevereiru 2005). wainhira sai husi Fundasaun HAK, hetan kovite husi Universidade da Paz (UNPAZ) hodi sai hanesan dosente part time (2005). Iha tempu hanesan, hetan mos kontrato ho NGO Timor-Aid, sai hanesan Fasilitator ba Treinamentu projetu Youth Civic Education (Janeiru-Abril 2005). Dosente temporariu iha Instituto Nacional da Administração Publica (INAP) (Outubro 2005 – Setembru 2006). Sai funcionario permanenti ba Direcção Nacional da Administração e Financas Ministerio da Administração Estatall, nudar Oficial do Projecto, duplu servisu Aprovisionamentu Descentralizadu nudar Procurement Officer (Setembru 2006-Abril 2008). Hetan nomeiasaun husi Sua Exelencia Ministro da Administração Estatal e Ordenamento do Territorio hodi kaer pasta iha Direcção Nacional de Apoio á Administração do Sucos nudar Diretor (Abril 2008-Abril 2010).

Hosikedas estudante STIA-LAN jakarta, sempre involve an iha organizasaun oi-oin hanesan, Prezidente IMPETTU (Ikatan mahasiswa dan Pelajar Timor-Timur) Jakarta (1997-1999), Xefe Seksaun Edukasaun no treinamentu unidade Resimen Mahasiswa (MENWA) STIA-LAN Jakarta (1996-1997), komandante kompaňia SATMENWA ba seguransa cerimónia formatura (wisuda) sarjana STIA-LAN Jakarta ba dala XXXII (1996), membro konsellu ezekutivu FronPeTil (Front Nacional Joventude Timor-Leste) ba Referendu ka konsulta populár (1998-1999) iha jakarta, koordenador ForMaTu-JP (Forum Estudante no Joventude Timor-Leste ba Referendu) rejiaun Jakarta, Prezidente Komisaun Organizadora misa konjunta komunidades timorense iha Indonezia, hodi prepara an simu referendu iha Igreija Katedral Jakarta (29 de Agostu 1999), Prezidente Komisaun Organizadora Seminario loron ida ho tema : Demokrasia Maubere hatán ba Timor Lorosa’e Foun, iha Dili (28 de Marsu 2000), sai mos hanesan Membro Asosiasaun HAK periodu 2003 too agora.

Hakerek artikel balun iha revista mensal Lian Maubere (2000), prepara materia (diktat) hodi fasilita treinamentu ba projetu Youth Civic Education, mak hanesan Organizasaun no Manajementu, Koalia iha Oin (Public Speacking), Resolusaun hasoru Konflitus (Conflict Resolution). Matadalan ba Konstrusaun Sede du Sukus iha Teritorio Timor Laran Tomak (2007).

Tuir mos kursu balun hanesan, kursu tezoureiru iha Dili (1992), Formasaun ba Formador (TOT) Ortografia no Gramatika Tetun Nasional nian, iha Timor Aid, Kursu Dezempenho, iha Banco Mundial Dili (2007).