Hare ba tempu nebe besik ona ba eleisaun ho rajaun ida nee maka Vice Ministro da Administrasaun Estatal, Senhor Tomas do Rosario Cabral foti inisiativa hodi halo kordenasaun ho Ministra das Finansas, Senhora Santina Cardoso, hodi kolia konaba parte orsamento no logistik hodi responde ba eleisaun Presidensial no Lejislativa, ho orsamento nee STAE ho ekipa tomak atu halo preparasaun ba primeira eleisaun nebe mak atu halo iha diaspora (Australia no Portugal).
Iha biban ida nee Ministra das Finansas fo oriantasaun ba estrutura finansas hodi finaliza lalais prosesu transferensia orsamento iha loron hirak tuir mai.
Soromutu nee hetan partisipasaun husi Ministra das Finansas, Vice Ministro da Administrasaun Estatal, Comisario PNTL ho nia membro, Director Geral Ministerio das Finansas, Director Geral STAE, Director Geral Serviso Coperatios, Director Grafico Nasional, Assesor IT Gabinete do Primeiro Ministro, no ekipa Aprovisionamento sentral.